Thalapathy 67: ‘என்னை மன்னித்து விடுங்கள்’.. மனோ பாலா கதறல்!

இயக்குநர் வம்சி இயக்கத்தில் விஜய் நடிக்கும் வாரிசு திரைப்படம் பொங்கல் பண்டிகையை முன்னிட்டு திரையரங்குகளில் ரிலீஸாக உள்ளது. ராஷ்மிகா மந்தனா விஜய்-க்கு ஜோடியாக நடித்துள்ள இப்படத்தை தில் ராஜூ தயாரித்துள்ளார்.

வாரிசு திரைப்படத்தைத் தொடர்ந்து நடிகர் விஜய், இயக்குனர் லோகேஷ் கனகராஜுடன் இணைகிறார். தற்காலிகமாக தளபதி 67 என தலைப்பு வைக்கப்பட்டிருக்கும் இந்த படத்தை 7 ஸ்க்ரீன் ஸ்டுடியோஸ் நிறுவனம் தயாரிக்கிறது.

14 ஆண்டுகளுக்கு பிறகு நடிகை த்ரிஷா, விஜய்யுடன் இணைந்து இப்படத்தில் நடிக்க உள்ளதாக தகவல் வெளியானது. வில்லன் கதாபாத்திரத்தில் பாலிவுட் நடிகர் சஞ்சய் தத் இந்தப்படத்தில் நடிப்பதாகவும் கூறப்படுகிறது.

இந்நிலையில், தளபதி 67 படப்பிடிப்பு சென்னையில் தொடங்கியுள்ளதாக நடிகர் மனோ பாலா ட்வீட் செய்திருந்தார். இது தொடர்பாக அவர் தனது ட்விட்டர் பக்கத்தில், “தளபதி 67 படப்பிடிப்பு இன்று தொடங்கியுள்ளது. லோகேஷ் மற்றும் எங்கள் தளபதியை சந்தித்தேன். அதே ஆற்றல். முதல் நாளே.. தூள்” என பதிவிட்டிருந்தார். இதனால் விஜய் ரசிகர்கள் உற்சாகமடைந்திருந்தனர்.

இந்நிலையில், தானே வாயை குடுத்து மாட்டிக்கிட்டது போல் அந்த ட்விட்டை சற்றுமுன் டெலீட் செய்திருக்கிறார் மனோ பாலா. "எனது ட்வீட்டை நீக்கிவிட்டேன்... என்னை மன்னித்துவிடுங்கள்" என்றும் கேட்டுக்கொண்டுள்ளார்.

இதை உன்னிப்பாக கவனித்த நெட்டிசன்கள் சும்மாவா இருப்பார்கள்..மனோ பாலாவை ட்விட்டரில் கலாய்த்து வருகிறார்கள். டெலீட் செய்த ட்வீட்டை ஸ்கரீன் ஷாட் எடுத்து கமெண்ட் செய்து வருகின்றனர். அதிலும், ஒரு நெட்டிசன் "பரவாயில்லை சார் எங்க கிட்ட ஸ்கிரின் ஷாட் இருக்கு." என்றும் கமெண்ட் செய்துள்ளார்.

கடந்த 2021-ம் ஆண்டு லோகேஷ் கனகராஜ் - விஜய் கூட்டணியில்  வெளியான ‘மாஸ்டர்’ திரைப்படம் ரசிகர்களிடையே பெரும் வரவேற்பை பெற்றது. இதையடுத்து மீண்டும் அதே கூட்டணி மீண்டும் இணைந்திருப்பது ரசிகர்களிடையே உற்சாகத்தை கூட்டியுள்ளது. இந்த சூழலில் தான் தளபதி 67 படப்பிடிப்பு சென்னையில் தொடங்கியுள்ளதாக நடிகர் மனோ பாலா ட்வீட் செய்திருந்தது குறிப்பிடத்தக்கது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.