Thunivu Shooting: பாங்காக் பறந்து சென்ற அஜித்

போனி கபூர் – ஹெச்.வினோத் கூட்டணியில் மூன்றாவது முறையாக அஜித் இணைந்து இருக்கும் திரைப்படம் ஏகே 61. இதில் அஜித்திற்கு ஜோடியாக மஞ்சு வாரியர் நடக்கிறார்.

படத்தின் படப்பிடிப்பு சமீபத்தில் விசாகப்பட்டினத்தில் நடந்து முடிந்த நிலையில் அடுத்தக்கட்ட படப்பிடிப்பு அடுத்த வாரம் தொடங்கவுள்ளது.

ஏகே 61 படத்தின் அப்டேட் குறித்து எந்த தகவலும் வெளியாகாத நிலையில், அஜித் ரசிகர்கள் நேரடியாகவே ஃபர்ஸ்ட் லுக் மற்றும் டைட்டில் எப்போது வெளியாகும் என தயாரிப்பாளரிடம் கேட்க ஆரம்பித்துவிட்டனர்.

ரசிகர்கள் தொடர்ந்து அப்டேட் கேட்ட நிலையில் படத்தின் தலைப்புடன் கூடிய ஃபர்ஸ்ட் லுக் போஸ்டர் 21 ஆம் தேதி வெளியானது. அதன் படி படத்திற்கு துணிவு என தலைப்பு வைக்கப்பட்டு உள்ளது. 

பின்னர் அடுத்த நாளே இரண்டாவது போஸ்டர் அறிவிப்பு இல்லாமல் வெளியாகி அஜித் ரசிகர்களை குஷிப்படுத்தியது. 

இந்நிலையில் துணிவு படத்தின் கடைசி ஷெட்யூலுக்காக நடிகர் அஜித் இன்று (செப் 24) பாங்காக் சென்றுள்ளார். அது தொடர்பான புகைப்படங்கள் மற்றும் வீடியோக்கள் சமூக வலைதளங்ளில் வெளியான நிலையில் அஜித் ரசிகர்கள் அதை வைரலாகின்றனர்.