World Cup 2023: ஆஸி., அணியில் மேக்ஸ்வெல், மார்ஷ்க்கு பதிலாக களமிறங்கிய 2 அதிரடி வீரர்கள்! டாஸ் வென்ற இங்கிலாந்து பவுலிங்

உலகக் கோப்பை தொடரின் 36வது போட்டி ஆஸ்திரேலியா - இங்கிலாந்து அணிகளுக்கு இடையே அகமதாபாத்தில் நரேந்திர மோடி மைதானத்தில் நடைபெறுகிறது.

உலகக் கோப்பை 2023 தொடரில் மிகவும் எதிர்பார்ப்பை ஏற்படுத்திய மோதலாக அமைந்திருந்த இந்த ஆட்டம், நடப்பு சாம்பியனான இங்கிலாந்து அணியின் தொடர் தோல்வியால் உப்புச்சப்பில்லாமல் போயுள்ளது. இருப்பினும் ஆஸ்திரேலியாவை பொறுத்தவரை இந்த போட்டியில் வெற்றி பெற்றால் மட்டுமே அரையிறுதி வாய்ப்பை உறுதிபடுத்திகொள்ள முடியும். அதேபோல் இங்கிலாந்து அணியும் சாம்பியன்ஸ் டிராபி தொடரில் தகுதி பெறுவதற்கு இந்த போட்டி வென்றாக வேண்டிய நெருக்கடியில் உள்ளது.

இதையடுத்து டாஸ் வென்ற இங்கிலாந்து அணி கேப்டன் ஜோஷ் பட்லர் பவுலிங்கை தேர்வு செய்துள்ளார். ஆஸ்திரேலியா அணியில் காயம் காரணமாக க்ளென் மேக்ஸ்வெல் விளையாடவில்லை. சொந்த காரணங்களுக்காக தாயகம் திரும்பியுள்ளதால் மிட்செல் மார்ஷ் இன்றைய போட்டியில் பங்கேற்கவில்லை. இந்த இருவருக்கும் பதிலாக கேமரூன் க்ரீன், மார்கஸ் ஸ்டோய்னிஸ் ஆகியோர் அணியில் சேர்க்கப்பட்டுள்ளனர். இங்கிலாந்து அணி கடந்த போட்டியில் விளையாடிய அதே அணியுடன் களமிறங்குகிறது.

2000ஆவது ஆண்டுக்கு பிறகு ஆஸ்திரேலியா - இங்கிலாந்து அணிகள் 5 முறை உலகக் கோப்பை போட்டிகளில் மோதிக்கொண்டுள்ளன. இதில் ஆஸ்திரேலியா 4, இங்கிலாந்து ஒரு முறை வெற்றி பெற்றுள்ளது. நான்கு தொடர் தோல்விகளால் துவண்டு போயிருக்கும் இங்கிலாந்து வெற்றி பாதைக்கு திரும்ப வேண்டும் என்ற முனைப்புடன் ஆஸ்திரேலியாவை எதிர்கொள்கிறது. இரண்டு முக்கிய வீரர்கள் இல்லாத போதிலும், தோல்வியை தவிர்த்து வெற்றிநடையை இங்கிலாந்துக்கு எதிராகவும் தொடர்ந்து அரையிறுதி வாய்ப்பை தக்க வைத்துக்கொள்ள ஆஸ்திரேவியா முயற்சிக்கும் என எதிர்பார்க்கலாம்

இன்றைய போட்டியில் களமிறங்கும் இரு அணிகளின் விவரம்

ஆஸ்திரேலியா: டேவிட் வார்னர், ட்ராவிஸ் ஹெட், ஸ்டீவ் ஸ்மித், மார்னஸ் லபுஸ்சேன், ஜோஷ் இங்கிலிஷ் (விக்கெட் கீப்பர்), பேட் கம்மின்ஸ் (கேப்டன்), மிட்செல் ஸ்டார்க், ஆடம் ஸாம்பா, ஜோஷ் ஹசில்வுட்

இங்கிலாந்து: ஜானி பேர்ஸ்டோ, டேவிட் மாலன், ஜோ ரூட், பென் ஸ்டோக்ஸ், ஜோஸ் பட்லர் (கேப்டன் மற்றும் விக்கெட் கீப்பர்), மொயின் அலி, லியாம் லிவிங்ஸ்டன், கிறிஸ் வோக்ஸ், டேவிட் வில்லி, அடில் ரஷித், மார்க உட்

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews  

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9