Team India Celebrates Diwali: டாப் டக்கர்.. தீபாவளியைக் கொண்டாடிய இந்திய கிரிக்கெட் வீரர்கள்!
Nov 12, 2023, 12:36 PM IST
Share
எம் சின்னசாமி ஸ்டேடியத்தில் இந்தியா இன்று நெதர்லாந்தை எதிர்கொள்கிறது. போட்டிக்கு முன்னதாக, பெங்களூரில் உள்ள டீம் ஹோட்டலில் இந்திய அணி தீபாவளியை கொண்டாடியது.
நடப்பு உலகக் கோப்பை கிரிக்கெட்டில் இதுவரை தோல்வி அடையாத ஒரே அணியான போட்டியை நடத்தும் இந்தியா, பெங்களூருவில் உள்ள எம்.சின்னசாமி ஸ்டேடியத்தில் இன்று, தனது கடைசி லீக் ஆட்டத்தில் நெதர்லாந்தை எதிர்கொள்கிறது.
டீம் இந்தியா மற்றும் அவர்களது ஆதரவு ஊழியர்கள் பெங்களூரில் உள்ள டீம் ஹோட்டலில் தங்கள் நண்பர்கள் மற்றும் குடும்பத்தினருடன் தீபாவளியை கொண்டாடினர். இப்போது, டீம் இந்தியா தீபாவளியைக் கொண்டாடும் போட்டோஸ், X இல் குறிப்பிடத்தக்க வரவேற்பைப் பெறுகின்றன.
KL ராகுல் X இல் தீபாவளி கொண்டாட்டத்தின் ஒரு போட்டோவை வெளியிட்டார். படத்தில், கிரிக்கெட் வீரர்கள் இந்திய பாரம்பரிய உடைகளை அணிந்து, முகத்தில் பிரகாசமான புன்னகையுடன் கேமராவுக்கு போஸ் கொடுப்பதைக் காணலாம்.
கேப்டன் ரோஹித் ஷர்மா, நண்பர்கள், குடும்பத்தினர் மற்றும் ரசிகர்களுக்கு தீபாவளி வாழ்த்துக்களைத் தெரிவிக்கும் வகையில், தனது மனைவி ரித்திகாவுடன் இருக்கும் படத்தைப் பதிவிட்டுள்ளார்.
முகமது ஷமியும், "தீபாவளி வாழ்த்துகள்" என்ற தலைப்புடன் X இல் ஒரு புகைப்படத்தைப் பகிர்ந்துள்ளார். படத்தில், அவர் குர்தா அணிந்து பிரகாசமான புன்னகையுடன் மிளிர்வதைக் காணலாம்.
சூர்ய குமார் யாதவ் தனது மனைவி தேவிஷா சூர்யகுமார் யாதவுடன் இருக்கும் புகைப்படத்தையும் பகிர்ந்துள்ளார்.
ஷுப்மான் கில், முகமது சிராஜ், இஷான் கிஷன் மற்றும் குல்தீப் யாதவ் ஆகியோரும் சனிக்கிழமை தீபாவளியைக் கொண்டாடினர்.
ரோகித் சர்மா தலைமையிலான இந்திய அணி லீக் சுற்றில் 8 ஆட்டங்களில் 8 வெற்றி பெற்று 16 புள்ளிகள் பெற்றுள்ளது. மறுபுறம், ஸ்காட் எட்வர்டின் நெதர்லாந்து, எட்டு போட்டிகளில் இரண்டில் மட்டுமே வெற்றி பெற்று புள்ளிகள் பட்டியலில் பத்தாவது இடத்தில் உள்ளது. இரு அணிகளும் இரண்டு ஒருநாள் போட்டிகளில் மட்டுமே மோதியுள்ளன, இரண்டிலும் இந்தியா வெற்றி பெற்றுள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்