Rajinikanth in IND vs NZ Match: மனைவி லதாவுடன் இந்தியா - நியூசிலாந்து அரையிறுதி போட்டியை பார்த்து ரசிக்கும் ரஜினிகாந்த்

உலகக் கோப்பை 2023 தொடரின் முதல் அரையிறுதி போட்டி இந்தியா - நியூசிலாந்து அணிகளுக்கு இடையே மும்பை வான்கடே மைதானத்தில் நடைபெற்று வருகிறது. இதில் டாஸ் வென்று முதலில் பேட் செய்த இந்தியா 50 ஓவரில் 4 விக்கெட் இழப்புக்கு 397 ரன்கள் எடுத்துள்ளது.

இந்த போட்டியில் சினிமா பிரபலங்கள் பலரும் நேரில் கண்டுகளித்து வருகின்றனர். இந்தியாவுக்கு ஆதரவாக குரல் கொடுத்து வருகின்றனர். தெலுங்கு நடிகர் வெங்கடேஷ், பாலிவுட் நடிகர் ரன்பிர் கபூர், ஜான் ஆபிரஹாம், முன்னாள் ஹீரோயின் மாதுரி தீக்‌ஷித் உள்பட பலரும் இந்தப் போட்டியை நேரில் பார்த்து ரசித்து வருகின்றனர்.

இதைத்தொடர்ந்து சூப்பர் ஸ்டார் ரஜினிகாந்த், தனது மனைவி லதா ரஜினிகாந்துடன் இணைந்து இந்தப் போட்டியை நேரில் கண்களித்து வருகிறார். முன்னதாக, இந்தியா பேட்டிங் செய்யும்போதே ரஜினிகாந்த் வருவார் என எதிர்பார்க்கப்பட்ட நிலையில், இந்தியா பவுலிங் செய்யும்போது வந்து ஆட்டத்தை பார்த்து வருகிறார்.

இந்திய அணியில் டாப் ஆர்டர் பேட்ஸ்மேன் விராட் கோலி சதமடித்தார். அவர் ஒரு நாள் போட்டிகளில் தனது 50வது சதத்தை பூர்த்தி செய்து சாதனை புரிந்தார். அதிரடியாக பேட் செய்து 117 ரன்கள் அடித்த பின்னர், கோலி தனது விக்கெட்டை பறிகொடுத்தார்.

இவரை போல் இந்திய அணி மிடில் ஆர்டர் பேட்ஸ்மேனான ஷ்ரேயாஸ் ஐயர் அதிரிடியாக பேட் செய்து ரன் குவிப்பில் ஈடுபட்டதுடன் 67 பந்துகளில் சதமடித்து 105 ரன்கள் எடுத்து அவுட்டானார். ஓபனிங் பேட்ஸ்மேன் சுப்மன் கில் 80 ரன்கள் எடுத்து அவுட்டாகாமல் இருந்தார்.

முன்னதாக, உலகக் கோப்பை 2023 தொடர் தொடங்குவதற்கு முன்னர் பாலிவுட் மெகா ஸ்டார் அமிதாப் பச்சன், சூப்பர் ஸ்டார் ரஜினிகாந்து உள்பட பிரபலங்களுக்கு, உலகக் கோப்பை போட்டிகளை நேரில் பார்ப்பதற்கு பிசிசிஐ சார்பில் டிக்கெட்டுகளை வழங்கினார்.

இதையடுத்து இந்தியா விளையாடிய லீக் போட்டிகளை காண்பதற்கு வராத ரஜினிகாந்த், முக்கியத்துவம் வாய்ந்த அரையிறுதி போட்டியை காண்பதற்கு வந்துள்ளார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9