‘இதான் ஒரிஜினல் வீடியோ’ -கோலி நடனம் ஆடிய வீடியோவை ஷேர் செய்து பதிலடி கொடுத்த ஆர்சிபி

சண்டிகரில் ராயல் சேலஞ்சர்ஸ் பெங்களூரின் வெற்றியைத் தொடர்ந்து பஞ்சாப் கிங்ஸ் கேப்டன் ஸ்ரேயாஸ் ஐயர் முன்னிலையில் விராட் கோலியின் வைரல் கொண்டாட்டத்திற்குப் பிறகு, ஆர்சிபி சமூக ஊடக பக்கத்தில் விராட் கோலியின் ஒரிஜினல் டான்ஸ் வீடியோவை ஷேர் செய்தது. மழையால் பாதிக்கப்பட்ட சொந்த மண்ணில் தோல்வியடைந்த இரண்டு நாட்களுக்குப் பிறகு, ஞாயிற்றுக்கிழமை பஞ்சாபை ஏழு விக்கெட் வித்தியாசத்தில் வீழ்த்தியதன் மூலம் ஆர்சிபி தோல்விக்கு பழிதீர்த்தது.

இரண்டு ஆண்டுகளுக்கு முன்பு, கோலி நார்வே நடனக் குழுவான குயிக் ஸ்டைலுடன் இணைந்து ஒரு குறுகிய நடன வீடியோவில் பங்கேற்றார், அது உடனடியாக சமூக ஊடகங்களில் வைரலானது. பெங்களூருவில் வெள்ளிக்கிழமை சின்னசாமி ஸ்டேடியத்தில் பஞ்சாப் ஆர்சிபியை வீழ்த்திய பின்னர், அதே போன்ற நடன வீடியோவை பகடி செய்து பஞ்சாப் கிங்ஸ் உடன் பணிபுரியும் சோஷியல் மீடியா நபர்கள் வெளியிட்டு தங்கள் கணக்கில் பகிர்ந்தனர்.

மேலும் படிக்க | ஐபிஎல் 2025: கோலி, படிக்கல் அதிரடி..பஞ்சாப்பை பழிதீர்த்த ஆர்சிபி! புள்ளிப்பட்டியலிலும் முன்னேற்றம்

ஞாயிற்றுக்கிழமை, ஆர்சிபி வென்ற பிறகு, அவர்களின் சமூக ஊடக கணக்கில் அசல் நடன கிளிப்பை ஆர்சிபி வெளியிட்டது. அவர்கள் அதை இவ்வாறு தலைப்பிட்டனர்: "ஒவ்வொரு தலைசிறந்த படைப்புக்கும் ஒரு நகல் உள்ளது. ஒரிஜினலுடன் இருங்கள். அனுபவிங்க" என குறிப்பிடப்பட்டிருந்தது.

ஆர்சிபி சமூக வலைத்தளப் பக்கத்தில் பகிர்ந்த வீடியோ கிளிப்

ஆர்சிபியின் வெற்றிக்கு 'ஆட்ட நாயகன்' கோலி தேர்வு

ஆட்ட நாயகன் கோலி கூறுகையில், ''எங்களுக்கு மிகவும் முக்கியமான ஆட்டம். "நீங்கள் எட்டு (புள்ளிகள்) முதல் 10 வரை செல்லும்போது, அது ஒரு பெரிய வித்தியாசத்தை ஏற்படுத்துகிறது" என்றார்.

மேலும் படிக்க | ஐபிஎல் 2025: ரோஹித், சூர்யா அதிரடி.. பழிதீர்த்த மும்பை! இரண்டு சீசன்களுக்கு பிறகு சிஎஸ்கேவுக்கு எதிராக வெற்றி

கோலி கூறுகையில், “டி20 கிரிக்கெட்டில் ரன் சேஸிங்கின் போது ஒரு பார்ட்னர்ஷிப் போதுமானது. என்னால் வேகப்படுத்த முடியும், ஆனால் மற்ற வீரர்களின் பலத்தை நான் புரிந்து கொள்ள விரும்புகிறேன்” என்றார்.

வெளியூரில் பெங்களூரு அணி தொடர்ச்சியாக பெற்ற 5-வது வெற்றி இதுவாகும். இந்த சீசனில் அவர்கள் அடைந்த மூன்று தோல்விகளும் சொந்த மண்ணான சின்னசாமி ஸ்டேடியத்தில் இருந்து வந்தவை. அவர்கள் எட்டு போட்டிகளில் இருந்து 10 புள்ளிகளுடன் புள்ளிகள் அட்டவணையில் மூன்றாவது இடத்தில் உள்ளனர்.

ஐபிஎல் 2025 தொடரின் 37வது போட்டி பஞ்சாப் கிங்ஸ் - ராயல் சேலஞ்சர்ஸ் பெங்களுரு அணிகளுக்கு இடையே நியூ சண்டிகரில் உள்ள முல்லான்பூர் மைதானத்தில் நடைபெற்றது.

பஞ்சாப் கிங்ஸ், ஆர்சிபி அணிகள் கடந்த வெள்ளிக்கிழமை தான் தனது முந்தைய போட்டியில் மோதின. பெங்களுருவில் நடைபெற்ற இந்த போட்டியில் பஞ்சாப் கிங்ஸ் வெற்றி பெற்றது. இதையடுத்து, உள்ளூர் மைதானத்தில் பெற்றி தோல்விக்கு பழிதீர்க்கும் விதமாக ஆர்சிபி, பஞ்சாப் கிங்ஸ் அணியை அதன் சொந்த மைதானத்தில் எதிர்கொண்டது.

மேலும் படிக்க | ஐபிஎல் 2025: குஜராத் டைட்டன்ஸ் அணிக்கு செக் வைக்குமா ரஹானாவின் கொல்கத்தா நைட் ரைடர்ஸ்!

ஆர்சிபி அணியில் ரொமாரியோ ஷெப்பர்டுக்கு பதிலாக லயாம் லிவிங்ஸ்டன் சேர்க்கப்பட்டார். பஞ்சாப் கிங்ஸ் அதே அணியுடன் களமிறங்கியது. இந்த போட்டியில் முதலில் பேட் செய்த பஞ்சாப் கிங்ஸ் 157 ரன்கள் எடுத்த நிலையில், இந்த ஸ்கோர் சேஸ் செய்த ஆர்சிபி 7 விக்கெட் வித்தியாசத்தில் வெற்றி பெற்றது.