ஐபிஎல் 2025: டெல்லி கேபிடல்ஸ் அணியை பழிதீர்க்குமா ரிஷப் பந்த்தின் லக்னோ சூப்பர் ஜெயன்ட்ஸ்?

ஐபிஎல் 2025: லக்னோ சூப்பர் ஜெயண்ட்ஸ் அணி, ஏப்ரல் 22 செவ்வாய்க்கிழமை, ஏகானா கிரிக்கெட் மைதானத்தில், நடந்து வரும் இந்தியன் பிரீமியர் லீக் (IPL) 2025 இன் 40வது போட்டியில் டெல்லி கேபிடல்ஸ் (DC) அணியை எதிர்கொள்கிறது.

லக்னோ அணி கடந்த ஐந்து போட்டிகளில் நான்கில் வெற்றி பெற்று சமீபத்தில் நல்ல வேகத்தை ஈட்டியுள்ளது. ரிஷப் பந்த் பேட்டிங்கில் தடுமாறியிருக்கலாம், ஆனால் அவர் அணியை சிறப்பாக வழிநடத்தியுள்ளார்.

இதற்கிடையில், டெல்லி கேபிடல்ஸ் அணி இதுவரை ஒரு அற்புதமான விளையாட்டை விளையாடி வருகிறது. புதிய கேப்டன் அக்சர் படேலின் கீழ் அவர்கள் ஐபிஎல் 2025 இல் விளையாடிய ஏழு ஆட்டங்களில் ஐந்து ஆட்டங்களில் வெற்றி பெற்றுள்ளது. இருப்பினும், அவர்களின் இரண்டு தோல்விகளும் கடந்த மூன்று ஆட்டங்களில் வந்துள்ளன. போட்டி பரபரப்பான கட்டத்தை நோக்கி நகர்ந்து கொண்டிருக்கும் நிலையில் டெல்லி கேபிடல்ஸ் அணி வேகத்தை இழக்க விரும்பாது.

மேலும் படிக்க | பிசிசிஐ மத்திய ஒப்பந்த பட்டியலில் ஸ்ரேயாஸ் ஐயர், இஷான் கிஷன் மீண்டும் சேர்ப்பு.. கிரேடு A+ வீரர்கள் யார் யார்?

இந்தப் போட்டியின் தொடக்கத்தில் டெல்லி கேபிடல்ஸ் மற்றும் லக்னோ சூப்பர் ஜெயண்ட்ஸ் அணிகள் பரபரப்பான ஆட்டத்தை வெளிப்படுத்தின. போட்டியின் இறுதிக்கட்டத்தில் அசுதோஷ் சர்மாவின் திறமை, 210 ரன்கள் இலக்கை ஒரு விக்கெட் மற்றும் மூன்று பந்துகள் மீதமுள்ள நிலையில் துரத்திச் சென்று தோல்வியின் விளிம்பில் இருந்து டெல்லி அணியை வெற்றி பெற உதவியது.

இந்த மேட்ச்சில் டெல்லிக்கு பதிலடி கொடுக்க லக்னோ முயற்சி செய்யும்.

பிட்ச் ரிப்போர்ட்

இந்த ஐபிஎல் சீசனில் இதுவரை எகானா கிரிக்கெட் ஸ்டேடியத்தில் நான்கு போட்டிகள் நடைபெற்றுள்ளன. முந்தைய பதிப்புகளைப் போல மைதானங்கள் சுழற்பந்து வீச்சாளர்களுக்கு சாதகமாக இல்லை. முதல் இன்னிங்ஸின் சராசரி ஸ்கோர் 180 ஆகும். நான்கு ஆட்டங்களில் மூன்றில் இரண்டாவதாக பேட்டிங் செய்யும் அணிகளே வென்றுள்ளன. இதன் விளைவாக, டாஸ் வெல்லும் கேப்டன் முதலில் பீல்டிங்கைத் தேர்வு செய்வார் என எதிர்பார்க்கலாம்.

மேலும் படிக்க | 'ஆக்ரோஷமாக பேட்டிங் செய்ய ரோஹித்தை மும்பை இந்தியன்ஸ் ஊக்குவிக்கிறது': ஜெயவர்தனே பேட்டி

நேருக்கு நேர் சாதனை

லக்னோ மற்றும் டெல்லி அணிகள் இடையே நேருக்கு நேர் ரெக்கார்டு சமநிலையில் உள்ளன, ஏனெனில் இரு அணிகளும் இதுவரை தலா மூன்று போட்டிகளில் வெற்றி பெற்றுள்ளன.

லக்னோ சூப்பர் ஜெயண்ட்ஸ் உத்தேச பிளேயிங் லெவன்

மார்க்ரம், மிட்செல் மார்ஷ், நிக்கோலஸ் பூரன், ரிஷப் பந்த் (கேப்டன், விக்கெட் கீப்பர்), டேவிட் மில்லர், அப்துல் சமத், ஷர்துல் தாக்கூர், திக்வேஷ் சிங் ரதி, அவேஷ் கான், ரவி பிஷ்னோய், பிரின்ஸ் யாதவ்

இம்பேக்ட் வீரர்: ஆயுஷ் படோனி

டெல்லி கேபிடல்ஸ் உத்தேச பிளேயிங் லெவன்

அபிஷேக் போரெல், கருண் நாயர், கே.எல். ராகுல் (விக்கெட் கீப்பர்), அக்சர் படேல் (கேப்டன்), டிரிஸ்டன் ஸ்டப்ஸ், அசுதோஷ் சர்மா, விப்ராஜ் நிகம், மிட்செல் ஸ்டார்க், குல்தீப் யாதவ், மோஹித் சர்மா, முகேஷ் குமார்

மேலும் படிக்க | 'கிரிக்கெட் விளையாடியதற்காக வருந்துகிறேன்': பிசிசிஐ நடவடிக்கை எடுக்க முகமது அசாருதீன் வலியுறுத்தல்

இம்பேக்ட் வீரர்: டோனோவன் ஃபெரீரா

டெல்லி கேபிடல்ஸ் அணியை பழிதீர்க்குமா ரிஷப் பந்த்தின் லக்னோ சூப்பர் ஜெயன்ட்ஸ் என்பதை பொருத்திருந்துதான் பார்க்க வேண்டும்.

இந்த மேட்ச் லக்னோவில் இன்று இரவு 7.30 மணிக்கு தொடங்குகிறது. இரவு 7 மணிக்கு டாஸ் போடப்படும். ஜியோ ஹாட்ஸ்டார் செயலி, வலைத்தளத்தில் போட்டியைக் கண்டு ரசிக்கலாம்.