IPL 2023 Most Fifties: ஐபிஎல் 2023 சீசனில் அதிக அரை சதங்களை விளாசிய வீரர்கள் 5 பேர் யார் யார்னு பாருங்க!
Mar 11, 2024, 06:00 AM IST
Share
IPL Records: லிஸ்டில் அடுத்த இடத்தில் இருப்பவர் டெல்லி கேபிடல்ஸ் அணியின் டேவிட் வார்னர். இவர் மொத்தம் 6 அரை சதங்களைப் பதிவு செய்துள்ளார். மொத்தம் 14 ஆட்டங்களில் விளையாடிய அவர் 516 ரன்களை அடித்தார். இவரது அதிகபட்சம் 86 ரன்கள். ஸ்டிரைக் ரேட் 131.63 ஆகும்.
கடந்த ஐபிஎல் சீசனில் அதிக அரை சதங்களை விளாசியவர்களின் லிஸ்ட்டை இந்தக் கட்டுரையில் பார்ப்போம்.
ஃபாப் டு பிளெசிஸ்
கடந்த சீசனில் அதிக சிக்ஸர்களை விளாசிய ஃபாப் டு பிளெசிஸ் தான் அதிக அரை சதங்களை கடந்த சீசனில் பதிவு செய்துள்ளார். மொத்தம் 8 அரை சதங்களை அவர் பதிவு செய்திருக்கிறார். இவர் 14 ஆட்டங்களில் விளையாடி 730 ரன்களை குவித்தார். அதில் அதிகபட்சம் ஓர் ஆட்டத்தில் 84 ஆகும். மொத்தம் 36 சிக்ஸர்களை அவர் பறக்க விட்டார். ஃபோர்ஸ் 60 ஐ விரட்டினார். இவரது ஸ்டிரைக் ரேட் 153.68 ஆக இருந்தது.
டேவிட் வார்னர்
லிஸ்டில் அடுத்த இடத்தில் இருப்பவர் டெல்லி கேபிடல்ஸ் அணியின் டேவிட் வார்னர். இவர் மொத்தம் 6 அரை சதங்களைப் பதிவு செய்துள்ளார். மொத்தம் 14 ஆட்டங்களில் விளையாடிய அவர் 516 ரன்களை அடித்தார். இவரது அதிகபட்சம் 86 ரன்கள். ஸ்டிரைக் ரேட் 131.63 ஆகும்.
விராட் கோலி
ஆர்சிபி வீரர் விராட் கோலியும் 6 அரை சதங்களை விளாசியிருக்கிறார். மொத்தம் 14 ஆட்டங்களில் விளையாடியுள்ள கோலி, மொத்தம் 639 ரன்களை பதிவு செய்துள்ளார். இவரது அதிகபட்சம் 101 நாட் அவுட். ஸ்டிரைக் ரேட் 139.82.
டெவன் கான்வே
சிஎஸ்கே வீரர் டெவன் கான்வே 16 ஆட்டங்களில் விளையாடி, 672 ரன்களை விளாசினார். இவரது அதிகபட்சம் 92 நாட் அவுட். இவரது ஸ்டிரைக் ரேட் 139.70. இவர் 6 அரை சதங்களைப் பதிவு செய்துள்ளார்.
யஷஸ்வி ஜெய்ஸ்வால்
ராஜஸ்தான் ராயல்ஸ் வீரர் யஷஸ்வி ஜெய்ஸ்வால், மொத்தம் 14 ஆட்டங்களில் விளையாடி 625 ரன்களை எடுத்துள்ளார். மொத்தம் 5 அரை சதங்களைப் பதிவு செய்துள்ளார். இவர் கடந்த சீசனில் மட்டும் 26 சிக்ஸர்களை பதிவு செய்துள்ளார். 82 ஃபோர்ஸை விரட்டியிருக்கிறார்.
ஐபிஎல் கிரிக்கெட்
இந்தியன் பிரீமியர் லீக் (ஐபிஎல்) (ஸ்பான்சர்ஷிப் காரணங்களுக்காக டாடா ஐபிஎல் என்றும் அழைக்கப்படுகிறது) என்பது இந்தியாவில் ஆண்டுதோறும் நடத்தப்படும் ஆண்கள் டுவென்டி 20 (டி20) கிரிக்கெட் லீக் ஆகும். 2007 இல் BCCI ஆல் நிறுவப்பட்ட IPL லீக், 10 நகரங்களின் அடிப்படையிலான உரிமையுடைய அணிகளால் போட்டியிடப்படுகிறது. ஒவ்வொரு ஆண்டும் மார்ச் மற்றும் மே மாதங்களுக்கு இடைப்பட்ட கோடை காலத்தில் ஐபிஎல் நடத்தப்படுவது வழக்கம். இது ஐசிசி ஃபியூச்சர் டூர்ஸ் திட்டத்தில் ஒரு பிரத்யேக சாளரத்தைக் கொண்டுள்ளது, அதாவது ஐபிஎல் சீசன்களில் குறைவான சர்வதேச கிரிக்கெட் போட்டிகள் நடக்கும்.
ஐபிஎல் உலகிலேயே மிகவும் பிரபலமான கிரிக்கெட் லீக் ஆகும். 2014 இல், அனைத்து விளையாட்டு லீக்குகளிலும் சராசரி வருகையால் ஆறாவது இடத்தைப் பிடித்தது. 2010 இல், ஐபிஎல் யூடியூப்பில் நேரடியாக ஒளிபரப்பப்பட்ட முதல் விளையாட்டு நிகழ்வானது. ஐபிஎல் கிரிக்கெட்டைக் காண ரசிகர்கள் தவம் கிடப்பார்கள் என்றால் அது மிகையல்ல. இளைஞர்கள் முதல் பெரியவர்கள் வரை கிரிக்கெட் ரசிகர்கள் டிவி முன்னால் அமர்ந்து முழு போட்டியை ரசிப்பார்கள்.
இதுவெறும் கிரிக்கெட் போட்டி அல்ல, இதுவொரு திருவிழா. ஒவ்வொரு வீட்டிலும் இருக்கும் ஐபிஎல் ரசிகர்கள், தங்களுக்கு பிடித்த அணியின் வீரர்கள் சரியாக விளையாடினால் கொண்டாடவும், சரியாக விளையாடவில்லை என்றால் உரிமையுடன் திட்டவும் செய்வார்கள்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்