Navdeep Saini: காதலியை கரம் பிடித்த இந்திய வேகப்பந்து வீச்சாளர்! குவியும் வாழ்த்து

ஹரியானா மாநிலத்தை சேர்ந்தவர் இந்திய வேகப்பந்து வீச்சாளர் நவ்தீப் சைனி. இவர் தனது நீண்ட நாள் காதலியான ஸ்வாதி ஆஸ்தானா என்பவரை திருமணம் செய்து கொண்டுள்ளார். நவ்தீப் சைனி தனக்கு திருமணமான தகவலை தனது இன்ஸ்டாவில் பகிர்ந்துள்ளார்.

அதில், தனது திருமண புகைப்படத்தில் பகிர்ந்திருக்கும் சைனி, " உன்னும் இருக்கும் ஒவ்வொரு நாளும் அன்புக்குரிய நாளாகவே அமைகிறது. வாழ்நாள் முழுவதும் ஒன்றாக இருக்க முடிவு செய்துள்ளோம். எங்களது வாழ்க்கையின் புதிய அத்தியாயத்தை தொடங்கும் முன் அனைவரின் அன்பையும், ஆசீர்வாதத்தையும் எதிர்நோக்கிகுகிறோம்" என்று கேப்ஷனில் குறிப்பிட்டுள்ளார்.

சைனியின் மனைவி ஸ்வாதி, பேஷன், பயணம், லைவ்ஸ்டைல் குறித்து விடியோ பதிவிடும் விடியோ விடியோ பதிவலாராக இருந்து வருகிறார்.

கடந்த 2019இல் டி20 போட்டியில் முதல் முறையாக இந்திய அணியில் களமிறங்கினார் நவ்தீப் சைனி. சமீபத்தில் நடைபெற்று முடிந்த சையத் முஸ்தாக் அலி கோப்பை தொடரில் டெல்லி அணிக்காக விளையாடினார். இந்த தொடரில் டெல்லி அணி அரையிறுதி வரை தகுதி பெற்று வெளியேறியது.

ஐபிஎல் போட்டிகளில் ஆர்சிபி அணிக்காக முதல் முறையாக விளையாடிய சைனி, கடந்த மே மாதம் நடைபெற்று முடிந்த ஐபிஎல் 2023 தொடரில் ராஜஸ்தான் ராயல்ஸ் அணிக்காக களமிறங்கினார்.

கடைசியாக 2021ஆம் ஆண்டில் ஆஸ்திரேலியா சுற்றுப்பயணத்தின் போது நடைபெற்ற டெஸ்ட் தொடரில், பிரிஸ்பேனில் நடந்த கடைசி டெஸ்டில் விளையாடினார். இந்த போட்டிக்கு முன்னர் மூன்றாவது போட்டியில் சேர்க்கப்பட்ட சைனி 4 விக்கெட்டுகளை வீழ்த்தி இந்தியா டிரா செய்வதற்கு முக்கிய காரணமாக அமைந்தார்.

நவ்தீப் சைனி இந்திய அணிக்காக டி20, ஒரு நாள், டெஸ்ட் என மூன்று வகை கிரிக்கெட்டிலும் விளையாடியுள்ளார். நேற்று தனது பிறந்தநாளை கொண்டாடியிருக்கும் சைனி, இன்று தனது காதலியை திருமணம் செய்து கொண்டுள்ளார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9