IND vs NED Toss Report: டாஸ் வென்ற இந்தியா பேட்டிங் தேர்வு-ரோகித் கூறியது என்ன?
Nov 12, 2023, 01:37 PM IST
Share
IND vs NED Live: நெதர்லாந்து அணி முதலில் பந்துவீச உள்ளது.
உலகக் கோப்பை தொடரின் 45வது போட்டி இந்தியா - நெதர்லாந்து அணிகளுக்கு இடையே பெங்களுருவில் இன்று நடைபெறுகிறது. கடைசி லீக் போட்டியான இது பகலிரவு ஆட்டமாக சின்னசாமி மைதானத்தில் மதியம் 2 மணிக்கு தொடங்குகிறது. 1.30 மணிக்கு டாஸ் போடப்பட்டது. இந்திய அணி டாஸ் வென்று பேட்டிங்கை தேர்வு செய்தது.
கேப்டன் ரோகித் சர்மா கூறுகையில், “இந்த தொடரில் இதுவரை சிறப்பாக செயல்பட்டு வந்துள்ளோம். இன்றைய தினமும் வெற்றியை நோக்கி செயல்படுவோம். எங்கள் வீரர்கள் சிறப்பான நிலையில் உள்ளனர்” என்றார். இந்தியா பிளேயிங் லெவனில் மாற்றம் செய்யவில்லை.
பும்ரா, குல்தீப், சிராஜ் ஆகியோருக்கு ஓய்வு அளிக்கப்படும் என தகவல்கள் வெளியான நிலையில், பிளேயிங் லெவனில் மாற்றமில்லாமல் விளையாடுகிறது.
விளையாடிய 8 போட்டிகளிலும் வென்று Bossஆக வலம் வரும் இந்தியா, நெதர்லாந்து அணியையும் வீழ்த்தி அனைத்து லீக் போட்டிகளிலும் வென்ற அணி புதுமையான சாதனை படைக்கும் என எதிர்பார்க்கலாம்.
நாடு முழுவதும் தீபாவளி பண்டிகை கொண்டாடப்படும் இந்த நாளில், ரசிகர்களுக்கு வெற்றியுடன் சிறந்த கிரிக்கெட் ஆட்டத்தை பரிசாக தர இந்திய அணி முயற்சிக்கலாம். டாப் அணிகளுக்கு எதிராகவும் சிறப்பான ஆட்டத்தை வெளிப்படுத்தி துவம்சம் செய்த இந்தியா, தனது கடைசி போட்டியில் வளர்ந்து வரும் அணியாக திகழும் நெதர்லாந்துக்கு எதிராகவும் ஆதிக்கத்தை தொடரும் என நம்பலாம்.
தொடர்ச்சியாக வெற்றி காம்பினேஷனில் விளையாடி வரும் இந்திய அணி இன்றைய போட்டியில் முக்கிய வீரர் யாருக்காவது ஓய்வை அளித்துவிட்டு ஸ்பின்னர் அஸ்வின், இளம் வேகப்பந்து வீச்சாளர் பிரசித் கிருஷ்ணா ஆகியோரை விளையாட வைக்கும் வாய்ப்பு உள்ளது. பேட்டிங்கில் விராட் கோலி, பவுலிங்கில் பும்ரா ஆகியோருக்கு ஓய்வு அளிக்கப்பட வாய்ப்பு உள்ளது.
நெதர்லாந்தை பொறுத்தவரை, இந்த உலகக் கோப்பை தொடரில் தென் ஆப்பரிக்காவை தோல்வியை அடைய செய்த அணி என்ற பெருமையை பெற்றுள்ளது. அத்துடன் வங்கதேசம், இலங்கை அணிகளை போல் 2 வெற்றிகளை பெற்றிருந்தாலும் ரன்ரேட் அடிப்படையில் புள்ளிப்பட்டியலில் கடைசி இடத்தில் உள்ளது.
பிட்ச் நிலவரம்
பேட்ஸ்மேன்களின் சொர்க்கபுரியான பெங்களுருவில் நடைபெற்ற கடைசி போட்டியில் பவுலர்கள் சாதித்தனர். இருப்பினும் முதலில் பேட் செய்யும் அணி மிக பெரிய ஸ்கோரை குவிக்க வாய்ப்பு உள்ளதாக கூறப்படுகிறது.
இதுவரை இரண்டு முறை இந்தியா - நெதர்லாந்து அணிகள் உலகக் கோப்பை தொடரில் நேருக்கு நேர் மோதியுள்ளன. இதில் இரண்டு போட்டிகளிலும் இந்தியா வெற்றி பெற்றுள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்