ENG vs NED: நெதர்லாந்துக்கு இருக்கும் குறைந்த வாய்ப்பையும் தட்டிப் பறிக்குமா இங்கிலாந்து?

நவம்பர் 08 புதன்கிழமை மகாராஷ்டிரா கிரிக்கெட் சங்க மைதானத்தில் 2023 ஐசிசி கிரிக்கெட் உலகக் கோப்பையின் 40வது போட்டியில் இங்கிலாந்து நெதர்லாந்துடன் மோதுகிறது.

இங்கிலாந்து அணி, ஆஸ்திரேலியாவுக்கு எதிரான முந்தைய ஆட்டத்தில் 33 ரன்கள் வித்தியாசத்தில் தோல்வியடைந்து, ஏழு போட்டிகளில் ஒரு வெற்றியுடன் இரண்டு புள்ளிகளுடன் புள்ளிப்பட்டியலில் கடைசி இடத்தில் (பத்தாவது) இடத்தைப் பிடித்துள்ளது.

அதேநேரம், கத்துக்குட்டி அணியான நெதர்லாந்து, 7 ஆட்டங்களில் விளையாடி 2இல் வெற்றி கண்டுள்ளது. 4 புள்ளிகளுடன் 9வது இடத்தில் உள்ளது.

ஆப்கானிஸ்தானுக்கு எதிரான முந்தைய போட்டியில் 7 விக்கெட் வித்தியாசத்தில் தோல்வியடைந்த நெதர்லாந்து ஆட்டத்திற்கு வருகிறது. போட்டியிலிருந்து இங்கிலாந்து வெளியேறிய நிலையில், நெதர்லாந்து அணிக்கு அரையிறுதிக்கு முன்னேற வாய்ப்பு உள்ளது.

சாம்பியன்ஸ் டிராபி 2025க்கான தகுதியுடன் இரு அணிகளுக்கும் வரவிருக்கும் போட்டி மிகவும் முக்கியமானது. எனவே இரு அணிகளும் அடுத்த ஐசிசி ஒருநாள் போட்டிக்கு தகுதி பெற முதல் எட்டு இடங்களைப் பிடிக்கும்.

இந்தப் போட்டியை நேரலையில் ஸ்டார் ஸ்போர்ட்ஸ், டிஸ்னி பிளஸ் ஹாட்ஸ்டாரில் பார்க்கலாம். 2 மணிக்கு தொடங்கும் இந்தப் போட்டிக்கு 1.30 மணிக்கு டாஸ் போடப்படும்.

இங்கிலாந்து உத்தேச பிளேயிங் லெவன்

ஜானி பேர்ஸ்டோவ், டேவிட் மாலன், ஜோ ரூட், பென் ஸ்டோக்ஸ், ஜோஸ் பட்லர் (கேப்டன், விக்கெட் கீப்பர்), மொயின் அலி, லியாம் லிவிங்ஸ்டோன், கிறிஸ் வோக்ஸ், டேவிட் வில்லி, அடில் ரஷித், மார்க் வூட்

நெதர்லாந்து உத்தேச பிளேயிங் லெவன்

வெஸ்லி பாரேசி, மேக்ஸ் ஓடோவ்ட், கொலின் அக்கர்மேன், சைப்ராண்ட் ஏங்கல்பிரெக்ட், ஸ்காட் எட்வர்ட்ஸ் (கேப்டன், விக்கெட் கீப்பர்), பாஸ் டி லீட், சாகிப் சுல்பிகர், லோகன் வான் பீக், ரோலோஃப் வான் டெர் மெர்வே, ஆர்யன் தட், பால் வான் மீகெரென்

பிட்ச் ரிப்போர்ட்

மைதானத்தில் கடைசியாக விளையாடிய ஐந்து போட்டிகளில், முதலில் பந்துவீசிய அணிகள் மூன்றில் வெற்றி பெற்றுள்ளன. சராசரி முதல் இன்னிங்ஸ் ஸ்கோர் 303 ஆகும், அதே நேரத்தில் மைதானத்தின் வரலாற்றில் துரத்தப்பட்ட அதிகபட்ச இலக்கு 351 ஆகும். டாஸ் வென்ற கேப்டன் மைதானத்தின் சாதனையை மனதில் வைத்து முதலில் பந்துவீச முடிவு செய்வார் என எதிர்பார்க்கலாம்.