Aswin: ‘’என்னால் சிறப்பாக ஆட முடியுமா என மக்கள் சந்தேகித்தனர்’’: தன் முதல் போட்டி குறித்து பேசிய அஸ்வின்!

Aswin:ரவிச்சந்திரன் அஸ்வின் தனது சொந்த ஊரின் மைதானத்தில் மற்றொரு மைல்கல் செயல்திறனை வெளிப்படுத்தினார். சென்னையில் நடந்த தொடரின் முதல் டெஸ்ட் போட்டியில் இந்தியாவுக்காக 113 ரன்கள் எடுத்து பங்களாதேஷை 280 ரன்கள் வித்தியாசத்தில் எளிதாக தோற்கடிக்க உதவினார்.

இது அஸ்வினுக்கு அவரது சொந்த ஊரில் ஒரு குறிப்பிடத்தக்க போட்டியாக இருந்தது. குறிப்பாக முதல் இன்னிங்ஸில் அவர் அடித்த சதம், இந்தியா இந்த டெஸ்ட் போட்டியை கட்டுப்படுத்தத் தொடங்கிய தருணம். இதுதொடர்பாக ஜியோ சினிமாவுடன் பேசிய அஸ்வின், "இந்த டெஸ்ட் போட்டியில் நான் என்ன மாதிரியான தாக்கத்தை ஏற்படுத்தினேன் என்பது குறித்து என்னால் கருத்து தெரிவிக்க முடியாது" என்று கூறினார்.

சுழல்-பந்துவீச்சு ஆல்ரவுண்டராக, ஒரு டெஸ்ட் கிரிக்கெட் வீரராக தனது பயணத்தை 2011ஆம் ஆண்டு இந்திய கிரிக்கெட் அணியில் நுழைந்தார், அஸ்வின்.

என்னால் சிறப்பாக ஆட முடியுமா என மக்கள் சந்தேகித்தனர் - அஸ்வின்!

இதுதொடர்பாகப் பேசிய அவர், "நான் நிரப்ப பெரிய இடங்கள் இருந்தன. ஹர்பஜனுக்கு [சிங்] பதிலாக நான் இந்திய அணிக்குள் வந்தேன். என்னால் சிறப்பாக ஆட முடியுமா என மக்கள் சந்தேகித்தனர். ஜூனியர் கிரிக்கெட்டில் அவரது அதிரடியை நான் என் விளையாட்டிலும் பிரதிபலித்தேன். அவர் எனக்கு ஒரு உத்வேகம். " என்று அஸ்வின் கூறினார்.

டெஸ்ட் கிரிக்கெட் வரலாற்றில் மிகச்சிறந்த சுழற்பந்து வீச்சாளர்களில் ஒருவராக அவர் ஒரு அருமையான வாழ்க்கையை வடிவமைத்திருந்தாலும், குறிப்பிட்ட ஓவர்களில் நன்கு பந்து வீசும் பந்துவீச்சாளராக உருவாக வேண்டியிருந்தது என்பதையும் அஸ்வின் குறிப்பிட்டுள்ளார்.

இதுதொடர்பாக அவர் பேசியதாவது, "நான் ஐபிஎல்லில் இருந்து வந்ததால் டெஸ்ட் போட்டியில் என்னால் பந்து வீச முடியுமா என்று மக்கள் தொடர்ந்து சந்தேகித்தனர், நிறைய பேர் வந்து எனக்கு உதவினார்கள்," என்று அவர் கூறினார்.

சச்சின் டெண்டுல்கரை பார்த்ததுதான் என் முதல் அனுபவம்: அஸ்வின்

சென்னை எம்.ஏ. சிதம்பரம் மைதானத்தில் அஸ்வின் இரண்டாவது முறையாக சதம் அடித்தது மற்றும் தொடர்ச்சியாக இன்னிங்ஸில் இரண்டாவது முறையாக 5 விக்கெட்களைத் தாண்டி விக்கெட்டுகளை வீழ்த்தியது. மேலும் 37 ரன்கள் எடுத்ததன்மூலம் ஷேன் வார்னேயின் சாதனையை சமன் செய்தது எனப் பல புதிய விஷயங்களை அஸ்வின் செய்திருந்தார்.

தான் போட்டிகளைப் பார்த்து வளர்ந்த மைதானத்தில் இதுபோன்ற செயல்திறன் வெளிப்படுவது குறித்து அஸ்வின் பேசினார்.

அதில், "ஒரு காலத்தில் இந்த மைதானம் கான்கிரீட் கட்டடங்களாக இருந்தது. எனது முதல் அனுபவம் மேக் பி ஸ்டாண்டில் இருந்து சச்சின் டெண்டுல்கரைப் பார்த்தது. அதன்பின், ஒரு நாள் நான் இந்த குறிப்பிட்ட மைதானத்தில் இருந்து விளையாட விரும்பினேன். எனது முதல் ஐபிஎல் ஒப்பந்தம் சென்னை அணிக்காக நடந்தது. சில ஆற்றல் என்னை இந்த மைதானத்திற்கு இழுக்கிறது. எவ்வளவு காலம் என்று எனக்குத் தெரியாது. ஆனால், நான் இங்கு திரும்பி வருவதை விரும்புகிறேன்" என்று ஐபிஎல்லில் சென்னை சூப்பர் கிங்ஸுடனான தனது திருப்புமுனையைக் குறிப்பிட்டார், கிரிக்கெட் வீரர் அஸ்வின்.

இறுதியாக, ஒரு பேட்ஸ்மேனாகவும், பந்துவீச்சாளராகவும் செயல்படும் மனநிலை குறித்து அஸ்வின் ஒளிபரப்பாளர்களிடம் பேசினார்.

அதில் அஸ்வின், "நான் 100 ரன்கள் எடுக்க வேண்டும் என்று நினைத்துச் செல்ல விரும்பவில்லை. எனக்கு ஒரு இன்னிங்ஸில் ஆறுவிக்கெட்டுகளுக்கு மேல் எடுக்கவேண்டும் என்று ஒரு ஆசை இருந்தது. ஒரு பந்துவீச்சாளராக நீங்கள் அதை வரிசைப்படுத்த வேண்டும். அதேசமயம் ஒரு பேட்ஸ்மேனாக இது உங்கள் விளையாட்டை நம்புவது பற்றியது. ஆனால் அதை பிரிப்பது அதை எளிதாக்கிவிட்டது" என்று அஸ்வின் முடித்தார். அஸ்வினின் சதம் அவரது கெரியரில் ஆறாவது சதமாகும்.

டெஸ்ட் தொடரின் இரண்டாவது போட்டிக்காக கான்பூருக்குச் செல்லும் போது, ​​சென்னையில் சிறப்பாக ஆடிய ஆட்ட நாயகன் அஸ்வின் ஃபார்ம் பிளேயர்களில் ஒருவராக இருப்பார். அங்கு பங்களாதேஷ் மீண்டும் முன்னேறி ஆட்டத்தை சமன் செய்யப் பார்க்கும்.