Jasprit Bumrah: பாண்டியா வருகைக்கு பின் மும்பை இந்தியன்ஸ் அணியில் நிலவிய சர்ச்சை..மனம் திறந்து பேசிய பும்ரா

ஜஸ்பிரித் பும்ரா மற்றும் ஹர்திக் பாண்டியா மும்பை இந்தியன்ஸில் ஒன்றாக விளையாடினர். மேலும் இருவரும் இந்தியாவின் டி20 உலகக் கோப்பை வெற்றிக்கு முக்கிய பங்களிப்பை வழங்கினர்.

கடந்த சில மாதங்கள் ஹர்திக் பாண்டியாவுக்கு சோதனை காலமாகவே அமைந்தது. பல்வேறு சர்ச்சை பேச்சுகள், விமர்சனங்கள் என அவரது வாழ்க்கை ரோலர்-கோஸ்டராக அமைந்தது.

மும்பை இந்தியன்ஸ் அணிக்கு பாண்டியா கம்பேக்

கடந்த ஆண்டு நவம்பர் மாதம் ஹர்திக் பாண்டியா மும்பை இந்தியன்ஸ் அணிக்கு திரும்பினார். அப்போது அவர் பெரிதும் கொண்டாடப்பட்டார். மும்பை இந்தியன்ஸ் அணி விளையாடியபோது இரண்டு ஐபிஎல் கோப்பைகளை வென்று அவர், விடுவிக்கப்பட்டார். பின்னர் மறுபடியும் எதிர்பார்ப்புக்கு மத்தியில் கம்பேக் கொடுத்தார்.

ஆனால் அடுத்த சில நாள்களிலேயே ஐந்து முறை ஐபிஎல் வென்ற கேப்டன் ரோஹித் ஷர்மாவை கேப்டன்சியில் இருந்து நீக்கி, ஹர்திக் பாண்டியா புதிய கேப்டனாக புதிய கேப்டனாக மும்பை இந்தியன்ஸ் அறிவித்த பின்னர், அவரை கொண்டாடிய ரசிகர்களே எதிராகவும் திரும்பினர்.

மோசமான ஐபிஎல் சீசன்

ஐபிஎல் 2024 தொடர் மும்பை இந்தியன்ஸ் அணிக்கு மோசமாக அமைந்தது. 14 போட்டிகளில் வெறும் 4 போட்டிகளில் மட்டும் வெற்றி பெற்றது. புதிய கேப்டனான ஹர்திக் பாண்டியாவின் செயல்பாடு தொடர்ந்து விமர்சிக்கப்பட்டது. அத்துடன் உள்ளூர் மைதானமான வான்கடேவில் ரசிகர்களும் ஹர்த்திக்கு எதிராக செயல்பட்டனர். முழுவதும், ஹர்திக் பக்கத்தின் சொந்த மைதானமான வான்கடே மைதானத்தில் உரிமையாளரின் ரசிகர்கள் கூட பெரிய அளவில் உற்சாகம் அளிக்கவில்லை.

தொடர்ச்சியாக சோதனைகளையும், விமர்சனங்களையும் சந்தித்து வந்த ஹர்திக் பாண்டியா டி20 உலகக் கோப்பை தொடரில் சிறப்பான பங்களிப்பை அளித்து வெற்றி நாயகனாக வலம் வந்தார்.

முன்னதாக, பாண்டியாவுடன் அவரது கடினமான காலகட்டத்தில் நெருக்கமாக இருந்த வீரர்களில் ஒருவரான ஜஸ்ப்ரீத் பும்ரா, பாண்டியா சந்தித்த ரசிகர்களின் எதிர்ப்பு முதல் டி20 உலகக் கோப்பை தொடரில் அவரது கம்பேக், போராட்டங்கள் குறித்து மனம் திறந்து பேசியுள்ளார்.

ரசிகர்கள் பேசுவதை நிறுத்த முடியாது

இதுதொடர்பாக ஜஸ்ப்ரீத் பும்ரா, தி இந்தியன் எக்ஸ்பிரஸ்ஸுக்கு அளித்த பேட்டியில் கூறியதாவது, ​"உணர்ச்சி பேசும் நாட்டில் நாம் வாழ்கிறோம் என்பதை நாங்கள் புரிந்துகொள்கிறோம். இது ஒரு உணர்ச்சி உந்துதல் நாடு. ரசிகர்கள் உணர்ச்சிவசப்படுவார்கள் என்பதை நாங்கள் புரிந்துகொள்கிறோம், மேலும் வீரர்களும் உணர்ச்சிவசப்படுகிறார்கள்,”

நீங்கள் ஒரு இந்திய வீரர், நாட்டுக்காக விளையாடுகிறீர்கள் என்றால், உங்கள் சொந்த ரசிகர்கள் உங்களைப் பற்றி பேசுவது கடுமையான பாதிப்பை ஏற்படுத்தும். ஆனால் இது நடக்கத்தான் செய்கிறது. அப்படி பேசும் மக்களை நீங்கள் நிறுத்த முடியுமா?

நீங்கள் உங்கள் மீது கவனம் செலுத்த ஆரம்பித்தால், இது போன்ற சிக்கல்களை கடந்து செல்வீர்கள். எனவே எந்த விஷயங்களில் கவனம் செலுத்த வேண்டும் என்பது நீங்கள் தான் முடிவு செய்ய வேண்டும். இதை சொல்வது அவ்வளவு எளிமையானதாக இருக்கலாம். ஆனால் ஒரு அணியாக சக வீரருக்கு எதிரான குரலை நாங்கள் ஊக்குவிக்க மாட்டோம்.

ஒரு குழுவாக நாங்கள் வீரருடன் பேசுகிறோம், அவருக்கு ஆதரவு தேவைப்பட்டால், எப்போதும் இருக்கும். அதையும் மீறி நடக்கும் சில விஷயங்கள் உங்கள் கட்டுப்பாட்டுக்கு அப்பாற்பட்டவை" என்றார்.

உலகக் கோப்பைக்கு பிறகு கதை மாற்றம்

டி20 உலகக் கோப்பையில் ஹர்திக்கின் சிறப்பான ஆட்டத்துக்கு பிறகு பாண்டியாவை பற்றிய கதை முற்றிலும் மாறிவிட்டது. " கடந்த இரண்டு மாதங்களுக்கு முன் இருந்த நிலைமை வேறு. இப்போது, ​​நாங்கள் உலகக் கோப்பையை வென்ற பிறகு அந்தக் கதை மாறிவிட்டது.

நீங்கள் எதையும் சீரியஸாக எடுத்துக் கொள்ள முடியாது. ஏனென்றால், மீண்டும், மக்கள் தற்போது புகழ் பாடுகிறார்கள். இது இப்படித்தான் இருக்கும் என கூற முடியாது. சில நாள்களுக்குப் பிறகு, மற்றொரு தோல்வியை சந்திததால், கதை மாறலாம்.

ஒவ்வொரு விளையாட்டு வீரரும் இந்த சிக்கல்களை சந்திக்கிறார்கள். கால்பந்து விளையாட்டில், உலகின் சிறந்த வீரர்களை ரசிகர்கள் கொச்சைப்படுத்துவதுகிறார்கள். இது விளையாட்டு வீரரின் பயணத்தின் ஒரு பகுதி. எதிர்பாராத விஷயங்கள் நடக்கும். அவை சில சமயங்களில், அது நியாயமாகவும் இருக்காது. ஆனால் அது அப்படியே இருக்கும்.

நாங்கள் எங்களுக்கு மட்டுமல்ல, நாங்கள் விளையாடும் விளையாட்டிலும் நல்ல விஷயங்களைச் செய்கிறோம். இந்த சவால்கள் அனைத்தும் வரும், ஆனால் நீங்கள் அதை சரியான முறையில் எடுத்துக்கொள்வது தான் சிறப்பானதாகும் ” என்றார்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/