Devapiran temple: மொட்டை கோபுர பெருமாள்!

ஸ்ரீவைகுண்டத்தில் இருந்து ஏரல் செல்லும் சாலையில் ஐந்து கிலோ மீட்டர் சென்றால் நவ திருப்பதி ஸ்ரீதேவர்பிரான் கோயிலை அடையலாம். திருநெல்வேலி திருச்செந்தூர் சாலையில் ஆழ்வார் திருநகரியில் இருந்து மூன்று கிலோமீட்டர் தொலைவில் துலை வில்லிமங்கலம் என்னும் கிராமத்தில் இரட்டை திருப்பதி கோயில் தாமிரபரணி ஆற்றின் வடகரையில் அமைந்துள்ளது.

இக்கோயிலில் சுமார் ஒரு ஏக்கர் பரப்பளவில் இரண்டு பிரகாரங்களுடன் நின்ற திருக்கோலத்தில் திருமகள் மற்றும் பூதேவியுடன் காட்சி அளிக்கிறார். இந்த கோயிலுக்கு ராஜகோபுரம் இல்லை. இங்குள்ள தலவிருட்சம் விலா மரம் ஆகும். இந்த கோயிலில் பத்மாவதி தாயார் திருமலை மார்பில் தாங்கி இருக்கிறார்.

இந்த கோயிலில் திருமண தடை நீங்கும், குழந்தை பாக்கியம் கிட்டும் இங்கு நியரா ஜெயம் செய்து பூஜை நடத்தினால் வேண்டும் வரம் கிடைக்கும். இந்த கோயிலில் வழங்கப்படும் மஞ்சள் காப்பு மிகவும் விசேஷமாகும். தீராத நோய்களை தீர்க்க இங்கு வந்து மஞ்சள் காப்பு பெற்று செல்கிறார்கள் பக்தர்கள்.

இந்த திருத்தலத்தில் வைகுண்ட ஏகாதசி திருவிழா சிறப்பாக நடக்கும். அப்போது பகவான் சயன கோலத்தில் இருப்பார். புரட்டாசி சனிக்கிழமை மிகவும் விசேஷமானது. இதில் கடைசி சனிக்கிழமை இரட்டை திருப்பதியில் உள்ள இரண்டு உற்சவர் ஒன்று கூடி தேவர் கோயிலை சுற்றி கருட சேவை நடத்துவது சிறப்பான காட்சியாகும். 

கார்த்திகை மாதம் அஸ்த நட்சத்திரத்தில் பிரமோற்சவம் விழா 11 நாட்கள் நடக்கும். இக்கோயிலில் காலை 8 மணி முதல் ஒரு மணி வரைக்கும் மதியம் 2 மணியிலிருந்து மாலை 5.15 மணி வரைக்கும் நடை திறந்திருக்கும்.