October 2024: துலாம் ராசியில் நீசம் ஆகும் சூரியன் முதல் நவராத்திரி வரை! அக்டோபரில் நிகழும் முக்கிய கிரக மாற்றங்கள்!

October Horoscope 2024: கிரகங்கள் மற்றும் நட்சத்திரங்களின் நிலையைப் பொறுத்தவரை அக்டோபர் மாதம் மிகவும் சிறப்பானதாக இருக்கும். வேத ஜோதிடத்தின்படி, அக்டோபர் மாதத்தில் பல கிரகங்கள் மற்றும் நட்சத்திரங்களின் நிலையில் மாற்றம் ஏற்பட உள்ளது. 

அக்டோபர் 10ம் தேதி புதன் பகவான் துலாம் ராசிக்குள் நுழைகிறார். அக்டோபர் 17ஆம் தேதி அன்று சூரியன் கன்னி ராசியில் இருந்து துலாம் ராசிக்குள் பெயர்ச்சி ஆகிறார்.

அக்டோபர் 09-ஆம் தேதி அன்று ரிஷபம் ராசியில் இருக்கும் குரு பகவான் வக்ர பெயர்ச்சி அடைய உள்ளார். அக்டோபர் 13ஆம் தேதி சுக்கிரன் விருச்சிகம் ராசிக்கு பெயர்ச்சி ஆகிறார். 

அக்டோபர் 20ஆம் தேதி செவ்வாய் பகவான் கடக ராசிக்குள் பெயர்ச்சி ஆகிறார். அக்டோபர் 03 ஆம் தேதி சனி பகவான் சதயம் நட்சத்திரத்தில் நுழைகிறார். கிரகங்கள் மற்றும் நட்சத்திரங்களின் நிலை நாட்டின் 12 ராசிக

ளையும் பாதிக்கும். அக்டோபர் மாதம் மக்களுக்கு எப்படி இருக்கும் என்பதை ஜோதிடரிடம் தெரிந்து கொள்ளுங்கள்-

அக்டோபர் மாதம் பொதுமக்களுக்கு எப்படி இருக்கும்?

ஜோதிடர் நரேந்திர உபாத்யாய் கணிப்பின்படி, சூரிய பகவான் துலாம் ராசியில் நுழையும் போது நீசம் அடைவார். 

சூரியன் நீசம் பெறுவதால் அக்டோபர் மாத பிற்பகுதியில் மக்களுக்கு பொருளாதாரம், உடல் மற்றும் மன ரீதியாக பிரச்சனைகளும், வேலையில் தடைகள் ஏற்படும்.

அக்டோபரில் வரும் 3 முக்கிய நிகழ்வுகள் 

வரும் அக்டோர்பர் மாதம் 2ஆம் தேதி அன்று மஹாளய அமாவாசை ஏற்படுகின்றது. மஹாளய பட்சம் என்பது முன்னோர்கள் வழிபாட்டில் முக்கிய அம்சமாக உள்ளது. இந்த அமாவாசை நாளில் முன்னோர்களுக்கு தர்பணம் செய்வது நன்மைகளை ஏற்படுத்தி தரும் என்பது மக்களின் நம்பிக்கை  ஆகும். 

மேலும் இந்த ஆண்டின் இரண்டாவது மற்றும் கடைசி சூரிய கிரகணம் அக்டோபர் 3 ஆம் தேதி நிகழும். ஆனால், இந்த கிரகணத்தை இந்தியாவில் பார்க்க முடியாது.

மேலும் அக்டோபர் 3ஆம் தேதி அன்று நவராத்திரி தொடங்குகின்றது. அக்டோபர் 11ஆம் தேதி அன்று சரஸ்வதி பூஜையும், அக்டோபர் 12ஆம் தேதி அன்று விஜயதசமியும் கொண்டாடப்படுகின்றது. இதே நாளில் தசரா திருவிழா வட இந்தியாவில் பிரபலமாக கொண்டாடப்படுகின்றது. கர்நாடக மாநிலம் மைசூருவில் தசரா கொண்டாட்டம் முக்கியத்துவம் வாய்ந்தது ஆகும். தமிழ்நாட்டை பொறுத்தவரை குலசேகரப்பட்டினம், செங்கல்பட்டு ஆகிய பகுதிகளில் தசரா கொண்டாட்டங்கள் கோலாகலமாக நடைபெறும்.

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.